من أبسط نقطة حزن

من ابسط نقطة حزن
من ابسط نقطة حزن راح ابدأ
من صرخه بتملاني
بتولع كل قصايد الحب المكتوبه بحرماني
وانا باصحي
وباواجه وشه بيضحك لي
مووايل من عتمة محوطاني
وانا بقرا مصيري في فنجاني
وانا بأرسم في كفوفي طريق خوفي المتلون بالدم
من أبسط نقطة حزن راح أبدأ
من جملة كتير قالها
أنا خدت حبيبتك ورميتك
أنا بعت طريق بيتك
أنا عايش جوه في أحلامك ومعشش فوق فرع سكوتك
من أبسط نقطه حزن راح أبدأ
وأنا راجع بدموعي جريح
ننبعتر قدامي ضلوعي وتطير أحلامي الريح
من أبسط نقطة حزن راح أبدأ
وأنا قاعد باسمع حكايتها
ومصيري خيط بين شفايفها
لو نطقت ينقطع الخيط
لو سكتت راح أموت في سكوتها
من أبسط نقطه حزن راح أبدأ
من جمله كتير قالها
أنا خدت حبيسبتك ورميتك
أنا بعت طريق بيتك
أنا عايش جوه في أحلامك
ومعشش فوق فرع سكوتك